Aholi bilan yuzma-yuz uchrashib, ularning dardu tashvishlarini eshitish, har bir murojaatga adolatli va manzilli yechim topish — deputatlik faoliyatining eng ustuvor vazifasidir.

Xalq deputatlari Termiz shahar Kengashi raisi, 9-“Abdulla Avloniy” saylov okrugi deputati D.Normuradova o‘z saylov okrugiga qarashli “Abdulla Avloniy” mahallasida bo‘lib, hudud aholisi uchun navbatdagi sayyor qabulni o‘tkazdi.

Muloqot va qabul jarayonida mahalla ahli tomonidan hududni obodonlashtirish, kommunal ta’minot, ichki yo‘llarni ta’mirlash, ijtimoiy yordam hamda bandlik kabi turli hayotiy va dolzarb masalalar bo‘yicha bir qator murojaatlar hamda takliflar bildirildi.

Qabul davomida:

• Fuqarolar tomonidan ko‘tarilgan har bir masala atroflicha tushuntirish va huquqiy maslahatlar bilan boyitildi;

• Hal etilishi vaqt hamda muvofiqlashtirishni talab qiladigan murakkab murojaatlar deputat D.Normuradovaning shaxsiy murojaat daftariga qat’iy nazoratga olish uchun qayd etildi.

Bildirilgan murojaatlarning ijobiy hal etilishini ta’minlash maqsadida shahardagi tegishli tashkilotlar rahbarlariga deputatlik so‘rovlari yuborilishi belgilandi.

"Saylovchilarimiz tomonidan bildirilayotgan har bir murojaat ortida fuqarolarimizning ishonchi hamda ularning kundalik turmush farovonligi turibdi. Bizning vazifamiz — odamlarni shunchaki eshitish emas, balki har bir murojaat ortida turgan muammoga amaliy yechim topish va xalqimiz roziligiga erishishdir," — deya ta'kidladi Kengash raisi, deputat D.Normuradova.

Aholi murojaatlari bilan ishlash va ularni qonuniy hal etish borasidagi deputatlik nazorati izchil davom ettiriladi!