Xalq deputatlari Uchquduq tuman Kengashi kotibiyat mudiri M.Kamolova, tuman Kengashi deputatlari I.Raximov va M.Ravshanova tomonidan Mustaqillik MFYda O‘zbekiston Respublikasi Oliy Majlisi Senati Kengashining “Hududlarni rivojlantirish hamda aholi muammolarini hal etishda mahalliy Kengashlar deputatlari va senatorlarning “mahalla yettiligi” bilan o‘zaro hamkorligini yanada kuchaytirish chora-tadbirlari to‘g‘risida”gi KQ-35-son qarori ijrosi yuzasidan o‘rganish ishlari olib borildi.

O‘rganish jarayonida mahalla raisi bilan uchrashuv o‘tkazilib, mahallada amalga oshirilayotgan ishlar, aholining kundalik hayotida uchrayotgan muammolar hamda ularni bartaraf etish borasidagi vazifalar yuzasidan atroflicha suhbatlashildi.
Suhbat davomida mahalladagi ijtimoiy-iqtisodiy holat, obodonlashtirish va infratuzilma masalalari, aholini qiynab kelayotgan muammolar, ehtiyojmand oilalarni qo‘llab-quvvatlash, bandlikni ta’minlash hamda fuqarolarning murojaatlarini o‘rganish va hal etish borasida amalga oshirilayotgan ishlar muhokama qilindi.

Shuningdek, “mahalla yettiligi” a’zolari bilan mahalliy Kengash deputatlari o‘rtasidagi hamkorlikni yanada kuchaytirish, hududdagi muammolarni joyiga chiqqan holda aniqlash va ularni tegishli tashkilotlar bilan hamkorlikda hal etish muhimligi ta’kidlandi.
Mahallada mavjud masalalarni o‘z vaqtida aniqlash, har bir murojaatni e’tiborsiz qoldirmaslik va fuqarolar muammolariga amaliy yechim topish bo‘yicha tegishli vazifalar belgilab olindi.

O‘rganish yakunida aniqlangan muammolarni mas’ul tashkilotlar bilan hamkorlikda bartaraf etish, ularning ijrosini nazoratga olish hamda kelgusida mahalla hududidagi ijtimoiy masalalarni muntazam ravishda o‘rganib borishga kelishib olindi.

Mahalladagi har bir muammoni joyida o‘rganish va aholining murojaatlariga amaliy yechim topish — deputatlik faoliyatining muhim yo‘nalishlaridan biridir.