O‘zbekiston Respublikasi Prezidentining 2026-yil 5-fevraldagi PQ–48-sonli qarori ijrosi yuzasidan Termiz shahrida amalga oshirilayotgan ishlar doirasida ko‘p kvartirali uylarni mukammal va joriy ta’mirlash bo‘yicha dastlabki manzilli dastur ijrosi o‘rganildi.

Nazorat-tahlil tadbirida O‘zbekiston Respublikasi Oliy Majlisi Senati a’zosi, viloyat Kengashi deputati D. Suvonova, Xalq deputatlari Termiz shahar Kengashi kotibiyati mudiri, deputat A.Ashurov hamda kotibiyat bosh mutaxassislari ishtirok etdi.

O‘rganish davomida ko‘p kvartirali uylarni ta’mirlash bo‘yicha belgilangan chora-tadbirlarning amaliy ijrosi, ishlarning borishi va manzilli dasturda nazarda tutilgan vazifalarning bajarilishi masalalariga e’tibor qaratildi.

Deputatlik nazorati — belgilangan vazifalar ijrosini ta’minlash, aniqlangan masalalarni o‘z vaqtida ko‘rib chiqish va aholi uchun munosib yashash sharoitlarini yaratishga xizmat qiluvchi muhim vositadir.

Termiz shahrida ko‘p kvartirali uy-joy fondini saqlash, ta’mirlash va obodonlashtirishga qaratilgan ishlar deputatlar e’tiborida.