Xalq deputatlari Chinoz tumani Kengashiga O‘zXDP partiyasidan 20-Eshonobod saylov okrugidan saylangan deputat A. Adilbekov tomonidan Kengashning ish rejasiga muvofiq, tumandagi Kanalobod MFY hududida, xususan, hududdagi jinoyatchilik holati, huquqbuzarliklarning oldini olish, shuningdek, jinoyatchilik ko‘rsatkichlari yuqori bo‘lgan “qizil” va “sariq” hududlarda profilaktik tadbirlarni kuchaytirish bo‘yicha olib borilayotgan ishlar o'rganildi.

Jumladan, Kanalobod MFY “sariq” hudud sifatida belgilangan bo‘lib, mazkur hududda jinoyatchilik va huquqbuzarliklarning oldini olish, mavjud muammoli holatlarni aniqlash hamda ularni bartaraf etish yuzasidan tegishli chora-tadbirlar amalga oshirilayotgani tahlil qilindi.
Shuningdek, huquqbuzarliklarning oldini olish, jinoyat sodir etilishiga sabab bo‘luvchi omillarni bartaraf etish, profilaktik tadbirlar samaradorligini oshirish hamda aholi o‘rtasida huquqiy targ‘ibot ishlarini kuchaytirish borasidagi faoliyat ko‘rib chiqildi.

📌 O‘rganish yakunlari bo‘yicha aniqlangan muammo va kamchiliklarni bartaraf etish, hududda barqaror kriminogen vaziyatni ta’minlash hamda jinoyatchilikning barvaqt oldini olish yuzasidan zaruriy choralar belgilandi.