Xalq deputatlari Furqat tumani Kengashi deputati M. To‘ychiev tomonidan o‘z saylov okrugi — 14-Qizil-qiyoq saylov okrugi hududida navbatdagi o‘rganish ishlari olib borildi.

O‘rganish jarayonida Xalq deputatlari Furqat tumani Kengashi Kotibiyati bosh mutaxassislari hamda Qizil-qiyoq mahalla fuqarolar yig‘ini raisi I. Qo‘chqarov bilan birgalikda hududdagi 10-sonli umumiy o‘rta ta’lim maktabi faoliyati o‘rganildi.

Jumladan, maktabning 2026–2027-yillar kuz-qish mavsumiga tayyorgarlik holati ko‘zdan kechirildi. Ta’lim muassasasining isitish tizimi, mavjud ko‘mir zaxirasi, ko‘mir saqlash xonasi, qozonxonalar hamda ularning texnik holati o‘rganildi.

O‘rganish davomida kuz-qish mavsumini betalofat o‘tkazish, ta’lim muassasasini issiqlik energiyasi bilan barqaror ta’minlash, zarur yoqilg‘i zaxirasini oldindan shakllantirish va aniqlangan kamchiliklarni bartaraf etish masalalariga alohida e’tibor qaratildi.

Aniqlangan kamchiliklar yuzasidan maktabga biriktirilgan DXSh tashkiloti hamda tegishli maktabgacha va maktab ta’limi tizimi mas’ul xodimlariga tegishli topshiriq va ko‘rsatmalar berildi.

Mas’ullarga kuz-qish mavsumiga tayyorgarlik ishlarini kechiktirmasdan, hozirdanoq boshlash, ko‘mir zaxirasini yetarli miqdorda shakllantirish, qozonxona va isitish tizimlarining sozligini ta’minlash hamda mavjud kamchiliklarni bartaraf etish bo‘yicha vazifalar belgilandi.

Deputat tomonidan berilgan topshiriqlarning ijrosi nazoratga olinib, maktabning kuz-qish mavsumiga puxta va sifatli tayyorgarligini ta’minlash bo‘yicha ishlar davom ettiriladi.

Ta’lim muassasalarida qulay va issiq muhit — o‘quvchilar ta’lim olishi uchun muhim shart!