Bandlik va kambag‘allikni qisqartirish masalalari o‘rganildi

Xalq deputatlari Qo‘shko‘pir tumani Kengashi deputati Mehribon Tillaeva O‘rta-yop mahallasiga tashrif buyurib, mahalla fuqarolar yig‘ini raisi, xotin-qizlar faoli hamda ijtimoiy xodim bilan birgalikda hududda aholi bandligini ta’minlash, ishsiz fuqarolarni doimiy daromad manbai bilan ta’minlash hamda kambag‘al oilalarni kambag‘allikdan chiqarish borasida amalga oshirilayotgan ishlarni tahlil qildi.
O‘rganish davomida mahalla raisi tomonidan migratsiyadan qaytgan fuqarolarni ish bilan ta’minlashga alohida e’tibor qaratilayotgani, bu borada hokim yordamchisi tomonidan tizimli va izchil ishlar olib borilayotgani haqida ma’lumot berildi hamda amalga oshirilayotgan ishlar raqamlar asosida tahlil qilindi.