#deputat_faoliyati

Xalq deputatlari Toshkent viloyati Kengashi deputati Nizomiddin Botirov tomonidan Oqqo‘rg‘on tumani “Birlik” hududida ichki ko‘cha yo‘llarining holati, yo‘l infratuzilmasining bugungi ahvoli hamda avtomobil yo‘llarida yuzaga kelayotgan tirbandliklarning oldini olish borasida amalga oshirilayotgan ishlar o‘rganildi.

O‘rganish davomida hududdagi ichki yo‘llarning qatnov uchun qulayligi, piyodalar va transport harakati xavfsizligini ta’minlash, mavjud muammolarni bartaraf etish hamda yo‘l harakatini tartibga solish bo‘yicha olib borilayotgan ishlar ko‘zdan kechirildi. Xususan, piyodalar yo‘laklarini barpo etish, yo‘l bo‘ylarida harakat xavfsizligini ta’minlovchi infratuzilma obyektlarini tashkil etish, transport oqimini samarali boshqarish hamda tirbandliklar yuzaga kelayotgan nuqtalarni bartaraf etishga qaratilgan chora-tadbirlar muhokama qilindi.

Shuningdek, hududdagi xizmat ko‘rsatish va savdo obyektlari atrofida transport harakatini tashkil etish holati, yo‘llarning texnik holati hamda yo‘l bo‘yidagi muhandislik-kommunikatsiya tarmoqlarini tartibga keltirish ishlari ham o‘rganildi. Eskirgan simyog‘ochlarni zamonaviy tayanch ustunlariga almashtirish ishlari yo‘l harakati xavfsizligini oshirish va hududning obodonlashtirilishiga xizmat qilishi ta’kidlandi.

Deputat tomonidan mas’ul tashkilotlar vakillariga ichki ko‘cha yo‘llarini ta’mirlash va saqlash, tirbandliklarning oldini olishga qaratilgan choralarni kuchaytirish, harakat xavfsizligini ta’minlash hamda belgilangan ishlarni sifatli va o‘z vaqtida yakunlash yuzasidan tegishli tavsiya va ko‘rsatmalar berildi.

📱 Telegram 📱 Instagram 📱 Facebook