Mahallalarda sog‘lom muhitni mustahkamlash va ijtimoiy profilaktika ishlari olib borildi

Xalq deputatlari Navoiy shahar Kengashi deputatlari F.Qurbonov, X.Muxammedov va N.Xudayqulovalar ishtirokida shahardagi mahallalarda ijtimoiy-ma’naviy muhitni sog‘lomlashtirish, giyohvandlik va narkotik moddalarning noqonuniy muomalasiga qarshi kurashish hamda sog‘lom turmush tarzini keng targ‘ib etishga qaratilgan targ‘ibot tadbirlari tashkil etildi.

Tadbirlar davomida fuqarolar, ayniqsa yoshlar o‘rtasida giyohvandlikning jamiyat hayotiga, oilaviy muhitga va inson salomatligiga salbiy ta’siri haqida batafsil tushuntirish ishlari olib borildi. Shuningdek, sog‘lom turmush tarziga rioya etish, sport va jismoniy faollikni oshirish, zararli odatlardan voz kechish masalalari yuzasidan tavsiyalar berildi.

Mazkur tadbirlar doirasida mahalla aholisi uchun tashkil etilgan tibbiy ko‘rik jarayonlari ham o‘rganilib, fuqarolarga ko‘rsatilayotgan tibbiy xizmatlar sifati, profilaktik tekshiruvlarning samaradorligi va qamrovi bilan tanishildi.

Tadbir yakunida ijtimoiy muhit barqarorligini ta’minlash, aholi salomatligini muhofaza qilish hamda giyohvandlikka qarshi kurashish bo‘yicha olib borilayotgan ishlarni tizimli ravishda davom ettirish muhimligi ta’kidlandi.