Xalq deputatlari tuman Kengashi deputati N.Nishonov 5-umumta’lim maktabida bo‘lib, ta’lim muassasasida olib borilayotgan ta’mirlash ishlari hamda “Dolzarb 90 kunlik” dasturi doirasida amalga oshirilayotgan tadbirlar bilan yaqindan tanishdi. Tashrif davomida tuman Kengashi deputati maktab binosida amalga oshirilayotgan joriy va kapital ta’mirlash ishlarining sifati, qurilish jarayonlarining belgilangan muddatlarga muvofiq tashkil etilgani hamda o‘quvchilar uchun xavfsiz va zamonaviy shart-sharoitlar yaratish bo‘yicha ko‘rilayotgan chora-tadbirlarni ko‘zdan kechirdi. Mas’ullar tomonidan qurilish ishlarining borishi, bajarilgan ishlar hajmi va navbatdagi rejalar yuzasidan batafsil ma’lumot berildi. Shuningdek, maktabda yozgi ta’til davrida amalga oshirilayotgan o‘quvchi-yoshlarni mazmunli dam oldirish, ularning bo‘sh vaqtini samarali tashkil etish, sport musobaqalari, ma’naviy-ma’rifiy tadbirlar, kitobxonlik kechalari, turli to‘garaklar va kasb-hunarga yo‘naltiruvchi mashg‘ulotlarning tashkil etilishi bilan ham tanishildi.