Xalq deputatlari Qo‘qon shahar Kengashi deputati Sh.Nazarova tomonidan saylov okrugidagi fuqarolar murojaatlarini o‘rganish davomida aniqlangan masala yuzasidan tegishli tashkilotga deputatlik so‘rovi yuborildi.

Xususan, Qo‘qon shahar “Qipchoqariq” mahalla fuqarolar yig‘ini Guzar ko‘chasi 127-uyda istiqomat qiluvchi fuqaro R.Qoraboyev tomonidan o‘z xonadoniga kadastr hujjatlari rasmiylashtirilmaganligi sababli amaliy yordam ko‘rsatish yuzasidan murojaat qilingan edi.

Mazkur murojaat deputat tomonidan atroflicha o‘rganilib, fuqaroning kadastr hujjatlarini rasmiylashtirish bilan bog‘liq masalaga aniqlik kiritish, amaldagi tartib-taomillar bo‘yicha tushuntirish berish hamda hujjatlarni rasmiylashtirish muddatlari yuzasidan ma’lumot olish maqsadida Qo‘qon shahar Kadastr agentligiga deputatlik so‘rovi yuborildi.

So‘rovda fuqaroning murojaatida ko‘tarilgan masalani qonunchilik talablariga muvofiq o‘rganish, mavjud holat yuzasidan asoslantirilgan ma’lumot taqdim etish hamda muammoni hal etish bo‘yicha ko‘riladigan choralar haqida axborot berish so‘ralgan.

Mazkur masala deputat nazoratiga olingan bo‘lib, uning ijrosi va natijalari yuzasidan qo‘shimcha ma’lumotlar berib boriladi.

Xalq deputatlari Qo‘qon shahar Kengashi