Mahallada murojaatlar va mavjud holat o‘rganildi

Xalq deputatlari tuman Kengashi kotibiyati bosh mutaxassisi A.Mamarajabov o‘ziga biriktirilgan deputat A.Kenjayev hududidagi “Xalqobod” mahallasida bo‘lib, mahalla yettiligi faoliyati hamda hududda amalga oshirilayotgan ishlar bilan yaqindan tanishdi.

Tashrif davomida mahallada aholi farovonligini oshirish, ijtimoiy muammolarni bartaraf etish, fuqarolar bandligini ta’minlash hamda obodonlashtirish yo‘nalishlarida olib borilayotgan ishlar o‘rganildi. Mahalla yettiligi tomonidan amalga oshirilayotgan chora-tadbirlar yuzasidan mas’ullar bilan suhbatlashilib, mavjud muammolar va ularning yechimlari muhokama qilindi.

Shuningdek, mahalla fuqarolar yig‘ini binosiga murojaat bilan kelgan fuqarolarning murojaatlari tinglanib, ularni qiynayotgan masalalar yuzasidan atroflicha fikr almashildi. Murojaatlarda ko‘tarilgan masalalarni hal etish maqsadida deputat bilan hamkorlikda tegishli tashkilot va muassasalarga deputat so‘rovlari yuborish hamda murojaatlarning ijrosini qat’iy nazoratga olish belgilandi.

Tashrif yakunida fuqarolar murojaatlarida ko‘tarilgan masalalarni o‘z vaqtida va qonuniy asosda hal etish, aholi bilan ishlash samaradorligini yanada oshirish yuzasidan mas’ullarga tegishli taklif va tavsiyalar berildi. Mahallada olib borilayotgan ishlarni tizimli davom ettirish hamda aholi bilan doimiy muloqotni yo‘lga qo‘yish muhimligi ta’kidlandi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram