📍 Qo‘shko‘pir tumanida yangi bolalar poliklinikasi qurilishi deputatlik nazoratiga olindi
Xalq deputatlari Qo‘shko‘pir tumani Kengashi deputati Anvar Jumaniyozov hamda Xalq deputatlari Qo‘shko‘pir tumani Kengashi kotibiyati bosh mutaxassisi Sarabibi Matyaqubova tomonidan Qo‘shko‘pir tumanini ijtimoiy-iqtisodiy rivojlantirish yuzasidan belgilangan chora-tadbirlar ijrosini ta’minlash, hududlarda amalga oshirilayotgan bunyodkorlik ishlarini manzilli o‘rganish va ularning sifatli bajarilishi ustidan samarali deputatlik nazoratini olib borish maqsadida Qo‘shko‘pir tumani tibbiyot birlashmasi hududida yangidan barpo etilayotgan bolalar poliklinikasi binosi qurilishining borishi o‘rganildi.
O‘rganish davomida qurilish ishlari holati, obyektning loyiha asosida va belgilangan muddatlarda amalga oshirilishi, yaratilayotgan shart-sharoitlar hamda kelgusida aholiga ko‘rsatiladigan tibbiy xizmatlar sifatini yanada oshirishga qaratilgan jihatlar yuzasidan atroflicha fikr almashildi.
Ta’kidlanganidek, aholi salomatligini mustahkamlash, ayniqsa, bolalarga ko‘rsatiladigan tibbiy xizmatlar sifatini yaxshilash va zamonaviy tibbiyot infratuzilmasini rivojlantirish davlat siyosatining ustuvor yo‘nalishlaridan biri hisoblanadi. Shu bois mazkur obyekt qurilishining sifatli va o‘z vaqtida yakunlanishi deputatlik nazoratida bo‘lib, uning ijrosi yuzasidan muntazam monitoring ishlari davom ettiriladi.
✅ Fuqarolarning munosib hayot kechirishi uchun zarur shart-sharoitlarni yaratish, ijtimoiy soha obyektlarini rivojlantirish hamda hududlarda olib borilayotgan islohotlarning samaradorligini ta’minlash deputatlik faoliyatining muhim vazifalaridan biri bo‘lib qolmoqda.