#_deputat_faoliyati
#_24_ta_masala
#_okrugdagi_o'rganish
#_kotibiyat_xodimi_faoliyati
#_kunlik_ish_reja_ijrosi
#_162_ta_qonun
Xotin-qizlar huquq va manfaatlarini ta’minlash — deputat e’tiborida

Xalq deputatlari Sariosiyo tumani Kengashining “15-Telpakchinor” saylov okrugidan saylangan deputat, tuman Kengashi kotibiyati bosh mutaxassisi N.Xamdamova xalq deputatlari Sariosiyo tumani Kengashining “25-Afrosiyob” saylov okrugidan saylangan deputat Ulug‘bek Shahobiddinovga biriktirilgan “Afrosiyob” mahallasida o‘rganish ishlarini olib bordi.
O‘rganish jarayonida tuman Kengashining 2026-yilga mo‘ljallangan ish rejasining 5-bandi ijrosi yuzasidan xotin-qizlarning muammolarini aniqlash, ularni hal etishga ko‘maklashish, huquq va manfaatlarini himoya qilish borasida amalga oshirilayotgan ishlar tahlil etildi.

Jumladan, mahallada istiqomat qiluvchi xotin-qizlarning bandligini ta’minlash, kasb-hunarga o‘qitish, tadbirkorlik faoliyatini yo‘lga qo‘yish uchun yaratilayotgan imkoniyatlardan samarali foydalanish, ijtimoiy ko‘makka muhtoj xotin-qizlarni qo‘llab-quvvatlash masalalariga alohida e’tibor qaratildi.
O‘rganishlar davomida aniqlangan muammolar yuzasidan mutasaddi tashkilotlar bilan hamkorlikda ularni bartaraf etish bo‘yicha tegishli taklif va tavsiyalar berildi. Shuningdek, xotin-qizlarning mavjud imtiyoz va imkoniyatlardan xabardorligini oshirish, ularning jamiyatdagi faolligini kuchaytirish hamda huquqiy savodxonligini yuksaltirish zarurligi ta’kidlandi.

Shu bilan birga, O‘zbekiston Respublikasining “Xotin-qizlar va erkaklar uchun teng huquq hamda imkoniyatlar kafolatlari to‘g‘risida”gi O‘RQ-562-sonli Qonuni ijrosi holati ham tahlil qilindi.
O‘rganish yakunida xotin-qizlarning huquq va qonuniy manfaatlarini ta’minlash, ularning ijtimoiy-iqtisodiy faolligini oshirish, bandligini ta’minlash hamda mavjud muammolarini manzilli hal etish borasida amalga oshiriladigan ishlar yuzasidan mas’ullarga tegishli tavsiyalar berildi.

Xotin-qizlarni qo‘llab-quvvatlash, ularning munosib turmush sharoitlarini ta’minlash va jamiyatdagi faol ishtirokini rag‘batlantirish masalalari deputatlik nazoratining muhim yo‘nalishlaridan biri sifatida belgilandi.