Aholini ichimlik suvi bilan ta’minlash bo‘yicha amaliy ishlar olib borilmoqda
Xalq deputatlari Sharof Rashidov tuman Kengashiga 17-So‘loqli saylov okrugidan saylangan deputat Ummatov Dilmurod Nuriboyevich tomonidan saylov okrugi hududida fuqarolar bilan uchrashuvlar davomida bildirilayotgan murojaat va takliflar muntazam o‘rganib borilmoqda.
O‘rganishlarda Pastki So‘loqli mahallasining Sado, E’tirof va Sayilgoh ko‘chalarida istiqomat qiluvchi fuqarolar uchun ichimlik suvi ta’minotini yaxshilash zarurati mavjudligi aniqlanib, mazkur masalani amaliy hal etish bo‘yicha tegishli ishlar boshlab yuborildi.
Deputat tashabbusi asosida ayni paytda ushbu ko‘chalarda yashovchi 80 ta xonadonni ichimlik suvi tarmog‘iga ulash maqsadida jami 1 800 metr ichimlik suvi quvurlarini tortish ishlari amalga oshirilmoqda.