AHOLI BILAN BEVOSITA MULOQOT: MUAMMOLAR JOYIDA O‘RGANILMOQDA

✨Xalq deputatlari Uzun tumani Kengashi raisi D.Safarova tomonidan hududlarda aholi bilan bevosita muloqot o‘rnatish, fuqarolarni qiynayotgan masalalarni joyiga chiqqan holda o‘rganish hamda ularning qonuniy manfaatlarini ta’minlashga qaratilgan ishlar davom ettirilmoqda.

Navbatdagi o‘rganish jarayonida hududlar ko‘chama-ko‘cha aylanib chiqilib, aholi vakillari bilan samimiy muloqotlar o‘tkazildi. Suhbatlar davomida fuqarolarning kundalik hayotida uchrayotgan muammolari, hudud infratuzilmasi, obodonlashtirish, kommunal xizmatlar va boshqa dolzarb masalalar yuzasidan murojaatlari tinglandi.

Aniqlangan muammolar har bir xonadon va hudud kesimida o‘rganilib, ularni hal etish imkoniyatlari va mas’ul tashkilotlar bilan amalga oshirilishi lozim bo‘lgan chora-tadbirlar yuzasidan tegishli vazifalar belgilab olindi.

Shu bilan birga, aholi tomonidan bildirilgan taklif va mulohazalar deputatlik faoliyati doirasida nazoratga olinib, ularning ijrosi yuzasidan tegishli mutasaddi tashkilotlar bilan hamkorlikda ish olib borilishi belgilandi.

Aholi bilan ochiq va bevosita muloqot qilish, muammolarni joyida aniqlash va ularning yechimi yuzasidan amaliy choralar ko‘rish — deputatlik faoliyatining muhim yo‘nalishlaridan biri hisoblanadi.