Xalq deputatlari Uchquduq tuman Kengashi kotibiyatining bosh mutaxassisi M.Muhammadiyev tomonidan 14-Navoiy saylov okrugida joylashgan “Uchquduq Duruvgavxari Kommunalchi” boshqaruv kompaniyasi faoliyati samaradorligi o‘rganildi.

🔎 O‘rganish jarayonida boshqaruv kompaniyasining ko‘p qavatli uy-joy fondiga xizmat ko‘rsatishdagi faoliyati, aholiga ko‘rsatilayotgan kommunal xizmatlarning sifati, umumiy foydalanishdagi hududlarning obodonlashtirilishi hamda ko‘p qavatli uylarning sanitariya va texnik holatiga e’tibor qaratildi.

🏠 “Uchquduq Duruvgavxari Kommunalchi” boshqaruv kompaniyasi ayni paytda 52 ta ko‘p qavatli uyda joylashgan 1 734 ta xonadonga xizmat ko‘rsatib kelmoqda.

🛠 Xonadonlarga xizmat ko‘rsatish bilan bir qatorda, ko‘p qavatli uylarning umumiy foydalanishdagi qismlari, kirish yo‘laklari, hovli va tutash hududlarning tozaligi, obodonchiligi hamda mavjud muammolarni o‘z vaqtida bartaraf etish masalalari ham o‘rganildi.

👥 Shuningdek, aholining murojaatlari va takliflari, uy-joy fondini saqlash va undan samarali foydalanish, aniqlangan kamchiliklarni bartaraf etish bo‘yicha amalga oshirilayotgan ishlar yuzasidan mas’ullardan ma’lumotlar olindi.
📌 O‘rganish davomida aholiga sifatli va qulay xizmat ko‘rsatishni ta’minlash, ko‘p qavatli uylar va ularning atrofidagi hududlarni doimiy nazoratda saqlash hamda mavjud kamchiliklarni bartaraf etish bo‘yicha tegishli tavsiya va ko‘rsatmalar berildi.

✅ Bunday o‘rganishlar aholining yashash sharoitini yaxshilash, kommunal xizmatlar sifatini oshirish va hududda obodonlashtirish ishlarini yanada takomillashtirishga xizmat qiladi.