Prezident Shavkat Mirziyoyev tomonidan ehtiyojmand oilalarni qo‘llab-quvvatlash, xotin-qizlar va bolalar manfaatlarini himoya qilishga qaratilgan yangi chora-tadbirlarning belgilanishi jamiyatimizda ijtimoiy adolat va inson qadrini ta’minlash yo‘lidagi muhim qadamdir.
✔️Ijtimoiy reyestrga kiritilgan ishlaydigan onalarga farzandi bir yoshga to‘lguniga qadar Ijtimoiy sug‘urta jamg‘armasidan nafaqa to‘lanishi oilalar uchun muhim ijtimoiy kafolat bo‘lib xizmat qiladi. Bu, avvalo, onalarning mehnat qilish bilan birga farzandi tarbiyasi bilan shug‘ullanishini qo‘llab-quvvatlaydi.
✔️Shuningdek, kelgusi yildan ijtimoiy reyestrga kiritilgan oilalar farzandlarining davlat va xususiy bog‘cha to‘lovlari, o‘quv markazlarida ta’lim olish xarajatlari, yo‘lkira hamda oliy ta’lim muassasalari yotoqxonasi uchun to‘lovlarning vaucher asosida qoplab berilishi yosh avlod uchun yanada keng imkoniyatlar yaratadi.
✔️Deputat sifatida ushbu tashabbuslarni yuksak baholayman. Chunki ijtimoiy siyosatning asosiy maqsadi faqat moddiy yordam ko‘rsatish emas, balki ehtiyojmand oilalarga munosib sharoit yaratish, ularning daromadini oshirish va farzandlarining sifatli ta’lim olishi uchun imkoniyatlarni kengaytirishdan iborat.
✔️Ayniqsa, oilani qo‘llab-quvvatlash, onalarning mehnat faolligini rag‘batlantirish va bolalarning ta’lim-tarbiyasiga sarmoya kiritish — kelajagimiz uchun eng muhim vazifalardan biridir. Bu yangiliklar xalq deputatlari tomonidan hududlarda aholi manfaatlarini ta’minlash, ijtimoiy himoyaga muhtoj oilalar bilan manzilli ishlash borasidagi mas’uliyatni yanada oshiradi.

S.Qaxxorov, Xalq deputatlari Jondor tumani Kengashi deputati