O‘zbekiston Respublikasi Prezidenti Shavkat Mirziyoyevning AQSH Kongressi senatori, Senatdagi Markaziy Osiyo bo‘yicha kokus hamraisi Stiv Deynsni qabul qilgani mamlakatimiz tashqi siyosatida AQSH bilan o‘zaro manfaatli va amaliy hamkorlikni yanada rivojlantirishga alohida e’tibor qaratilayotganining muhim ifodasidir.
✔️Bunday uchrashuvlar O‘zbekiston va AQSH o‘rtasidagi strategik sheriklikni mustahkamlash, savdo-iqtisodiy aloqalarni kengaytirish, investitsiyaviy hamkorlikni rivojlantirish hamda Markaziy Osiyoda tinchlik va barqarorlikni ta’minlash borasidagi umumiy maqsadlarni ilgari surish uchun muhim ahamiyatga ega.
✔️Ayniqsa, Markaziy Osiyo masalalari bo‘yicha AQSH Kongressidagi hamkorlikning kuchayishi mintaqamiz davlatlarining o‘zaro hamjihatligi, iqtisodiy salohiyati va xalqaro maydondagi nufuzini oshirishga xizmat qiladi.
✔️Deputat sifatida mazkur muloqotni O‘zbekistonning ochiq, pragmatik va o‘zaro manfaatli tashqi siyosati natijasi sifatida baholayman. Ishonchga asoslangan parlamentlararo va davlatlararo aloqalar xalqlarimiz farovonligi, iqtisodiy taraqqiyot va mintaqaviy barqarorlikka xizmat qilishiga ishonaman.

B.Yusupov, Xalq deputatlari Jondor tumani Kengashi deputati