#162_ta_qonun #kotibiyat_mudiri
Sanoat mahallasida tomorqalardan samarali foydalanish holati o‘rganildi

Xalq deputatlari Farg‘ona tuman Kengashi kotibiyat mudiri Shuxratjon Rahimov hamda tuman Kengashi deputati Bahodirjon Abdulmamatov tomonidan O‘zbekiston Respublikasi Vazirlar Mahkamasining 2025-yil 28-martdagi “Aholi tomorqalari va dehqon xo‘jaliklari yer maydonlaridan samarali foydalanishning qo‘shimcha chora-tadbirlari to‘g‘risida”gi 191-son qarori ijrosi yuzasidan Sanoat mahallasida o‘rganish ishlari olib borildi.
🔹 O‘rganish davomida aholi xonadonlaridagi tomorqa yer maydonlaridan samarali foydalanish, qishloq xo‘jaligi mahsulotlari yetishtirish, mavjud imkoniyatlardan unumli foydalanish hamda xonadonlar daromadini oshirishga qaratilgan ishlar holatiga alohida e’tibor qaratildi.
🔹 Jumladan, mahallaning asosiy “drayver” yo‘nalishlaridan biri bo‘lgan malinachilik bilan shug‘ullanuvchi xonadonlarda yetishtirish jarayoni, ekilgan maydonlar, hosildorlik ko‘rsatkichlari, mahsulotni yig‘ib olish va realizatsiya qilish holati o‘rganildi.
🔹 Shuningdek, malinachilik bilan shug‘ullanuvchi xonadonlarda malina navlarini to‘g‘ri tanlash, agrotexnik tadbirlarga rioya qilish, suv ta’minoti, ko‘chatlarni yangilash, hosildorlikni oshirish hamda yetishtirilgan mahsulotni ichki va tashqi bozorlarga chiqarish masalalari yuzasidan fikr almashildi.
🔹 O‘rganish jarayonida tadbirkor va xonadon egalari tomonidan malinachilikni rivojlantirishda uchrayotgan muammolar, jumladan, suv ta’minoti, mahsulotni sotish, saqlash va qayta ishlash, zarur agrotexnik vositalar bilan ta’minlash bilan bog‘liq masalalar ham ko‘rib chiqildi.
Aniqlangan muammolarni bartaraf etish, malinachilikni yanada rivojlantirish, aholi tomorqalaridan samarali foydalanish hamda xonadonlarning daromad manbalarini kengaytirish yuzasidan tegishli mas’ullarga tavsiyalar berilib, masalalar deputatlik nazoratiga olindi.

⌛ Kengashning rasmiy sahifalarini kuzatib boring. ⬇️
✅ Telegram |✅ Facebook | 🎬 YouTube | 📱 Instagram |🌐 E-Kengash.uz