Xalq deputatlari Bo‘stonliq tumani Kengashning 2026-yilga mo‘ljallangan ish rejasiga muvofiq O‘zbekiston Ekologik partiyasidan saylangan deputat Y.Narbekov tomonidan tumanning “Aydarali” mahallasiga biriktirilgan xotin-qizlar faoli G.Suyerova ish faoliyati o‘rganildi.

🔻O‘rganish davomida mahallada istiqomat qilayotgan xotin-qizlarning ijtimoiy holati, ehtiyojlari va muammolarini aniqlash bo‘yicha olib borilayotgan ishlarga alohida e’tibor qaratildi. Xotin-qizlar faoli tomonidan xonadonbay o‘rganishlar asosida ijtimoiy himoyaga muhtoj, ishsiz, og‘ir vaziyatga tushib qolgan hamda qo‘llab-quvvatlashga ehtiyoj sezayotgan xotin-qizlar bilan ishlash holati ko‘rib chiqildi.

🔻Xususan, “Ayollar daftari” bilan ishlash, unga kiritilgan xotin-qizlarning muammolarini o‘rganish va mavjud muammolarni hal etishga ko‘maklashish bo‘yicha amalga oshirilayotgan ishlar tahlil qilindi. Xotin-qizlarning ehtiyojlaridan kelib chiqib, ularga ijtimoiy, huquqiy va boshqa zarur ko‘maklarni manzilli yetkazish muhimligi ta’kidlandi.

🔻Shuningdek, ishsiz xotin-qizlarni bandligini ta’minlash, ularni kasb-hunarga o‘qitish, o‘zini o‘zi band qilish, tadbirkorlik faoliyatiga jalb etish va daromad manbaini yaratish bo‘yicha olib borilayotgan ishlar ham o‘rganildi. Xotin-qizlarning tadbirkorlik tashabbuslarini qo‘llab-quvvatlash, imtiyozli kredit va boshqa mavjud imkoniyatlar haqida tushuntirish berish, biznes faoliyatini boshlash istagida bo‘lgan fuqarolarga amaliy ko‘mak ko‘rsatish masalalariga ham e’tibor qaratildi.

🔻O‘rganish yakunida xotin-qizlar faoliga aholi bilan manzilli ishlashni kuchaytirish, ishsiz xotin-qizlarni daromadli mehnatga jalb qilish, “Ayollar daftari” bilan ishlash samaradorligini oshirish, ijtimoiy himoyaga muhtoj xotin-qizlarga amaliy ko‘mak ko‘rsatish hamda ularning murojaatlarini nazoratga olish yuzasidan tegishli tavsiyalar berildi.