Xalq deputatlari Parkent tuman Kengashiga 9-“Qo‘rg‘on” saylov okrugidan saylangan deputat To‘ychiyev Naimjon Yusupovich o‘zi saylangan hududdagi “Qo‘rg‘on” mahallasida bo‘lib, 15-umumiy o‘rta ta’lim maktabida mahalla yettiligi hamkorligida o‘tkazilgan umumiy yig‘ilishda ishtirok etdi.Uchrashuv davomida hududni obodonlashtirish va ko‘kalamzorlashtirish,ichki yo‘llarni ta’mirlash, infratuzilmani yaxshilash, aholini ichimlik suvi,elektr energiyasi va tabiiy gaz bilan ta’minlash, ijtimoiy soha obyektlari faoliyatini yaxshilash hamda aholi murojaatlari asosida aniqlangan muammolarni bartaraf etish borasida amalga oshirilayotgan ishlar yuzasidan mas’ullar tomonidan ma’lumotlar berildi.Shuningdek, fuqarolar tomonidan “Qo‘rg‘on” MFYdagi “Dilkusho” ko‘chasining 1200 metr ichki yo‘l qismini asfaltlashtirish masalasi ko‘tarildi.Aholi mazkur muammoni hal etishda amaliy yordam ko‘rsatishni so‘rab deputatga murojaat qildi.Fuqarolar tomonidan bildirilgan murojaat deputatning hududdagi muammolarni qayd etish daftariga kiritildi. Mazkur masalani hal etish yuzasidan tegishli mutasaddilarga deputatlik so‘rovi bilan murojaat etish belgilandi.Shuningdek, “Dolzarb 40 kunlik” tadbiri doirasida hududni obodonlashtirish va infratuzilmasini yaxshilash bo‘yicha tegishli tashkilotlar
bilan hamkorlikda amaliy choralar ko‘rish belgilandi.Bunday uchrashuvlar deputatlik nazoratini joylarda kuchaytirish, aholini qiynayotgan muammolarni bevosita o‘rganish, ularni mas’ul tashkilotlar bilan hamkorlikda bartaraf etish hamda fuqarolar manfaatlarini himoya qilishda muhim ahamiyat kasb etmoqda.