Shahidlar xotirasi yod etildi: deputat ishtirokida ma’naviy-ma’rifiy tadbir o‘tkazildi

✅ Xalq deputatlari Samarqand viloyati Kengashi deputati Mavlon Boboxonov Samarqand viloyat sudida tashkil etilgan shahidlar xotirasiga bag‘ishlangan ma’naviy-ma’rifiy tadbirida ishtirok etdi.

🇺🇿 Tadbir davomida Vatan ozodligi, mustaqilligi va xalq erkinligi yo‘lida qatag‘on qurboni bo‘lgan ajdodlarimiz xotirasi yod etilib, ularning mardligi va fidoyiligi ehtirom bilan tilga olindi. Shuningdek, jadid adabiyotining yorqin namoyandasi Abdulla Qodiriyning hayoti, ijodi va milliy ma’naviyatimizdagi o‘rni haqida fikr-mulohazalar bildirildi.

📍 Fuqarolik ishlari bo‘yicha Ishtixon tumanlararo sudi sudyasi Qizlarxon Agzamova tomonidan adibning hayoti va faoliyatiga bag‘ishlangan ma’ruza qilinib, viloyat sudi sudyasi Hulkar Keldiyorova hamda sudya katta yordamchisi Sitora Yo‘ldosheva tomonidan “Mehrobdan chayon” asari asosida tayyorlangan sahna ko‘rinishi namoyish etildi.

♾ Tadbir doirasida o‘tkazilgan kitobxonlik tanlovida ishtirokchilar “Haqiqat”, “Nafosat” va “Adolat” jamoalari tarkibida bellashdilar. Tanlov jarayonini olib borgan Mavlon Boboxonov kitobxonlikni keng targ‘ib etish, yoshlar va mutaxassislar o‘rtasida ma’naviy-ma’rifiy muhitni mustahkamlash masalalariga alohida to‘xtalib o‘tdi.

⚡️ Tanlov yakunida g‘olib jamoalar taqdirlanib, barcha ishtirokchilarning adabiyotga bo‘lgan qiziqishi va intellektual salohiyati munosib e’tirof etildi.

⚡️ Tadbir milliy xotirani asrash, ma’naviy merosimizni ulug‘lash hamda kitobxonlik madaniyatini rivojlantirishga xizmat qiluvchi muhim ma’naviy-ma’rifiy tadbirlardan biri bo‘ldi.