Xalq deputatlari Samarqand viloyati Kengashining navbatdagi Yettinchi chaqiriq o'ttiz oltinchi sessiyasi bo‘lib o‘tdi

📌 2026-yil 21-avgust kuni Kengashlar uyida Xalq deputatlari Samarqand viloyati Kengashining navbatdagi o‘ttiz oltinchi sessiyasi bo‘lib o‘tdi.

🇺🇿 Sessiyani Xalq deputatlari Samarqand viloyat Kengashi raisi Sh.Negmatov olib bordi.

✔️ Sessiyada viloyat Kengashi deputatlari, viloyat hokimi o‘rinbosarlari, boshqarma, korxona va tashkilotlar rahbarlari hamda tegishli mutasaddilar ishtirok etdi.

⁉️ Sessiya kun tartibida quyidagi masalalar ko‘rib chiqildi:

✅ Samarqand viloyatining shahar va tumanlarida mavjud imkoniyatlar hamda ichki zaxiralarni safarbar etish orqali hududlarni rivojlantirish bo‘yicha “Yo‘l xaritalari”ni tasdiqlash to‘g‘risida;

✅ Jahon bankining Xalqaro taraqqiyot uyushmasi ishtirokidagi “ShIFO-1” loyihasi doirasida birlamchi tibbiy-sanitariya yordami tizimini tizimli takomillashtirish konsepsiyasini ko‘rib chiqish va ma’qullash haqida;

✅ Viloyat mahalliy byudjetining qo‘shimcha manbalaridan foydalanish to‘g‘risida;

✅ Xalq deputatlari Samarqand viloyati Kengashining 2026-yil 2-iyundagi mahalliy byudjetning erkin qoldiq mablag‘laridan foydalanish to‘g‘risidagi qaroriga o‘zgartirish kiritish haqida.

✅ Xalq deputatlari Samarqand viloyati Kengashining 2024-yil 28-noyabrdagi “Xalq deputatlari Samarqand viloyati Kengashi doimiy komissiyalarini tuzish va shaxsiy tarkibini tasdiqlash toʻgʻrisida” VII-2-011-7-0-K/24-son qaroriga oʻzgartirish kiritish haqida

➡️ Sessiya davomida kun tartibidagi masalalar yuzasidan mas’ul rahbarlarning axborot va hisobotlari tinglandi. Deputatlar tomonidan bildirilgan taklif va mulohazalar asosida masalalar atroflicha muhokama qilinib, mutasaddilarga qator savollar berildi.

⚡️ Muhokamalar yakunida kun tartibidagi barcha masalalar yuzasidan tegishli qarorlar qabul qilindi. Mazkur qarorlar hududlarni kompleks rivojlantirish, sog‘liqni saqlash tizimi samaradorligini oshirish, byudjet mablag‘laridan oqilona foydalanish hamda aholi farovonligini yuksaltirishga xizmat qiladi.