“BIRINCHI QO‘NG‘IROQ”: YANGI O‘QUV YILI BOSHLANDI

Bugun, 2-sentyabr kuni Muborak tumanidagi barcha umumta’lim maktablarida 2026–2027-o‘quv yili boshlanishi munosabati bilan “Birinchi qo‘ng‘iroq” tadbirlari ko‘tarinki ruhda o‘tkazildi.
🎓 Mazkur tadbirlarda Muborak tumani hokimi G‘olib Murodov, xalq deputatlari Muborak tumani Kengashi deputati G.Jo‘rayeva, maktab jamoalari, ustoz va murabbiylar, o‘quvchilar hamda ota-onalar ishtirok etdi.
📚 Tadbir davomida Prezidentimizning mamlakatimiz maktablari o‘quvchilari va ustoz-murabbiylariga yo‘llagan bayram tabrigi o‘qib eshittirildi.
🎁 Shuningdek, birinchi sinfga qadam qo‘ygan o‘quvchilarga Prezident sovg‘alari topshirildi.
✨ Yangi o‘quv yili barcha o‘quvchi-yoshlar uchun yangi bilim, ulkan maqsadlar va yorqin yutuqlar sari muhim qadam bo‘lishi tilak bildirildi.
📌 Ma’lumot uchun: joriy o‘quv yilida Muborak tumanidagi maktablarda 2013 nafar bola birinchi sinfga qabul qilindi.

🇺🇿 Yangi o‘quv yili muborak bo‘lsin! Barcha o‘quvchi va ustozlarga omad va zafarlar tilaymiz!