O‘zbekiston Respublikasi Mustaqilligining 35 yilligi munosabati bilan Xalq deputatlari Yunusobod tuman Kengashi deputati Yu.A. Ibragimov tomonidan 19-Qo‘shchinor mahallasida istiqomat qiluvchi kam ta’minlangan va ijtimoiy ko‘makka muhtoj oilalarni qo‘llab-quvvatlashga qaratilgan xayriya tadbiri tashkil etildi.

🔠Tadbir doirasida ehtiyojmand oilalarga kundalik turmush uchun zarur bo‘lgan oziq-ovqat mahsulotlari taqdim etildi. Ushbu ezgu tashabbus orqali oilalarga nafaqat amaliy yordam ko‘rsatildi, balki yurtimizning eng ulug‘ va eng aziz bayrami — Mustaqillik kuni munosabati bilan samimiy tilaklar bildirilib, xonadonlarga bayramona kayfiyat ulashildi.

🤝Bunday xayriya va ijtimoiy ko‘mak tadbirlari aholining turli qatlamlarini qo‘llab-quvvatlash, mehr-oqibat, saxovat va hamjihatlik kabi ezgu qadriyatlarni yanada mustahkamlashga xizmat qiladi.

🇺🇿Mustaqilligimizning 35 yilligi muborak bo‘lsin! Yurtimiz tinch, xonadonlarimiz obod va fayzli bo‘lsin!

Bizni kuzatishda davom eting!