Халықты узлуксиз ҳәм сапалы электр энергиясы менен тәмийинлеў, аймақлардағы социаллық-экономикалық инфраструктураны бекемлеў мақсетинде Шымбай районында кең көлемли оңлаў ҳәм модернизациялаў жумыслары даўам еттерилмекте.

Бүгин Халық депутатлары Шымбай районлық Кеңесине 24-"Қ.Аўезов" сайлаў округынан Өзбекстан Халық демократиялык партиясынан сайланған депутат, Халық депутатлары Шымбай районлық Кеңеси баслығы О.Толыбеков районлық электр тармақлары кәрханасы тәрепинен «Қамыс арық» аўыл пуқаралар жыйыны аймағында алып барылып атырған оңлаў жумысларының барысы менен жақыннан танысты.

♻️ Үйрениўлер даўамында депутат аймақтағы электр тармақлары, трансформатор пунктларының жағдайын ҳәм режелестирилген оңлаў жумысларын көзден өткерди. Аймақ турғынларының электр энергиясына болған талабын қанаатландырыў, үзилислердиң олдын алыў ҳәм тармақлардың гүз-қыс мәўсимине таярлығын тәмийинлеў бойынша әмелге асырылып атырған жумысларға айрықша итибар қаратылды.

✍️ Илаж соңында депутат О.Толыбеков электр тармақлары кәрханасы канигелери менен сәўбетлесип, оңлаў жумысларын сапалы ҳәм белгиленген мүддетлерде жуўмақлаў, пуқаралардан түсип атырған мүрәжатларды өз ўақтында сапластырыў бойынша тийисли усыныс ҳәм тапсырмаларын берип өтти.