🔔Yangi o‘quv yili muborak!

😉😉🇺🇿Mustaqilligimizning 35 yilligi shukuhi davom etayotgan ushbu kunlarda shahrimizdagi ta’lim muassasalarida yangi o‘quv yili boshlanmoqda.

🌏Bu — o‘quvchi va talabalar uchun yangi bilimlarni egallash, o‘z qobiliyatini namoyon etish va orzulari sari dadil qadam tashlash davri. Ustozlar uchun mas’uliyatli va sharafli mehnatning yangi bosqichi, ota-onalar uchun esa farzandlarining kamolini ko‘rish quvonchidir.

🔔 Bugun yoshlarning chuqur bilim olishi, zamonaviy kasb va texnologiyalarni egallashi, xorijiy tillarni o‘rganishi, milliy tariximiz va madaniyatimizni qadrlab voyaga yetishi taraqqiyotimizning muhim shartidir. Zero, ta’lim maskanida boshlangan har bir izlanish kelajakdagi katta yutuqlarga yo‘l ochadi.

✍️Aziz o‘quvchilar va talabalar! Yangi o‘quv yili siz uchun qiziqarli saboqlar, muhim kashfiyotlar va yangi imkoniyatlarga boy bo‘lsin. Bilim olishdan, izlanishdan va o‘z oldingizga katta maqsadlar qo‘yishdan hech qachon to‘xtamang.

🔔Ustoz va murabbiylarga sabr, ilhom va sharafli faoliyatlarida muvaffaqiyat, ota-onalarga farzandlarining yutuqlaridan faxrlanish baxtini tilaymiz. Ta’lim tizimining barcha xodimlariga yosh avlodning munosib kelajagini yaratish yo‘lidagi fidokorona mehnatlari uchun samimiy minnatdorlik bildiramiz.

📚Yangi o‘quv yili barchamiz uchun yangi bilimlar, ezgu intilishlar va ulkan yutuqlar yili bo‘lsin!

Poytaxt Deputatlari