Xalq deputatlari Andijon shahar Kengashi Korrupsiyaga qarshi kurashish va xavfsizlik masalalari bo‘yicha doimiy komissiyasi raisi Avazbek Appaqov tashabbusi bilan “Safoiy” MFYda uchrashuv o‘tkazildi.

Uchrashuvda mahalla yettiligi a’zolari, jumladan, yoshlar yetakchisi, mahalla bank xodimi va ijtimoiy xodim bilan suhbatlashildi.

Muloqot davomida har bir yo‘nalish bo‘yicha aholining murojaat va muammolarini o‘rganish, ularni qonuniy va adolatli hal etish, fuqarolarga xizmat ko‘rsatish jarayonida korrupsion holatlarga yo‘l qo‘ymaslik masalalariga alohida e’tibor qaratildi.

Shuningdek, mahalla mutasaddilariga o‘z faoliyatida qonuniylik va ochiqlik tamoyillariga qat’iy rioya qilish, fuqarolar manfaatlarini ustuvor qo‘yish yuzasidan tushuntirishlar berildi.