Xalq deputatlari viloyat Kengashi deputati G.Bobojonova hamda Xalq deputatlari tuman Kengashi deputati O‘.Axmedovlar Fayziobod mahallasida amalga oshirilgan yo‘llarni asfaltlash ishlari bilan joyiga chiqqan holda tanishdilar. O‘rganish davomida mahalla hududida asfalt qoplamasi yotqizilgan ko‘chalarning sifati, aholi uchun yaratilgan qulayliklar hamda yo‘l infratuzilmasini yaxshilash bo‘yicha amalga oshirilgan ishlar ko‘zdan kechirildi. Ta’kidlanganidek, yo‘llarning asfalt qilinishi mahalla aholisi uchun harakatlanish xavfsizligi va qulayligini ta’minlash, transport qatnovini yengillashtirish, shuningdek, hududning obod qiyofasini
yanada yaxshilashda muhim ahamiyat kasb etadi. O‘rganish yakunida aholi turmush farovonligini oshirishga qaratilgan bunday infratuzilma loyihalarini izchil davom ettirish hamda ularning sifatli bajarilishini doimiy nazorat qilib borish muhimligi qayd etildi.