Mahallada mavjud eski elektr simlari bosqichma-bosqich yangi va zamonaviy kabellarga almashtirilmoqda.

Mazkur ishlar Xalq deputatlari Yunusobod tuman Kengashi deputati Y. Ibragimov tashabbusi bilan tegishli mas’ul tashkilotlar hamkorligida amalga oshirilmoqda. Xususan, “Toshshaharnur” tashkiloti tomonidan ta’mirlash ishlari belgilangan jadval asosida olib borilmoqda.

O‘rganish deputatlik faoliyatining asosiy 24 ta savolnomasi doirasida amalga oshirilib, mahalladagi kommunal infratuzilma, elektr ta’minoti holati, aholiga qulay yashash sharoitlarini yaratish hamda mavjud muammolarni mas’ul tashkilotlar bilan hamkorlikda hal etish masalalariga alohida e’tibor qaratildi.

Mazkur jarayon “Elektr energetikasi to‘g‘risida”gi Qonun, “Xalq deputatlari viloyat, tuman va shahar Kengashi deputatining maqomi to‘g‘risida”gi Qonun, “Jismoniy va yuridik shaxslarning murojaatlari to‘g‘risida”gi Qonun, “Fuqarolarning o‘zini o‘zi boshqarish organlari to‘g‘risida”gi Qonun hamda “Mahalliy davlat hokimiyati to‘g‘risida”gi Qonunda belgilangan vazifalar ijrosiga muvofiq amalga oshirilmoqda.

Amalga oshirilayotgan ishlar natijasida mahalla aholisi uchun elektr ta’minoti sifati yaxshilanib, xavfsizlik darajasi oshiriladi hamda mavjud muammolar bosqichma-bosqich bartaraf etiladi.

✅ Qo‘shchinor mahallasida aholi uchun qulay yashash sharoitlarini yaratish, elektr ta’minoti barqarorligini oshirish va infratuzilmani yaxshilash bo‘yicha ishlar davom ettirilmoqda.

Bizni kuzatishda davom eting!