Xalq deputatlari Qo‘qon shahar Kengashining "Reglament va deputatlik odob-axloqi masalalari" bo‘yicha doimiy komissiyasi tomonidan "Kengash deputatlarining 2026-yil iyun oyi mobaynida amalga oshirgan faoliyati" yuzasidan o‘tkazilgan yig‘ilish natijalari asosida doimiy komissiya qarori loyihasi tayyorlandi.

Qaror loyihasi komissiya a’zolari ishtirokida atroflicha muhokama qilinib, deputatlarning iyun oyi davomida amalga oshirgan ishlari, saylov okruglaridagi faoliyati, fuqarolar bilan uchrashuvlar, deputatlik so‘rovlari, o‘rganishlar hamda murojaatlar bilan ishlash natijalari yuzasidan bildirilgan fikr va takliflar inobatga olindi.

Muhokamalar davomida komissiya a’zolari tomonidan qaror loyihasini yanada takomillashtirish yuzasidan takliflar bildirildi hamda ularning fikr-mulohazalari asosida hujjatning yakuniy tahriri ishlab chiqildi.

Xalq deputatlari Qo‘qon shahar Kengashi