Biriktirilgan tashkilot bilan hamkorlik doirasida qonun ijrosi o‘rganildi

O‘zbekiston Respublikasi Oliy Majlisi Senati Raisi T.K. Narbayeva rahbarligida videokonferensaloqa tarzida o‘tkazilgan O‘zbekiston Respublikasi Oliy Majlisi Senati Kengashining sayyor majlisida"Surxondaryo viloyatini kompleks ijtimoiy-iqtisodiy rivojlantirish, aholi bandligini ta’minlash va kambag‘allikni qisqartirish dasturlarida belgilangan chora-tadbirlar ijrosini o‘rganish natijalari muhokamasi to‘g‘risida"gi masala yuzasidan ko‘tarilgan muammolarga ijobiy yechim topish hamda belgilangan vazifalar ijrosini ta’minlash maqsadida xalq deputatlari Qiziriq tumani Kengashi deputati I.Qurbonov hamda tuman Kengashi kotibiyati bosh mutaxassisi A.Mamarajabov deputatga biriktirilgan tashkilot bilan ishlash yo‘nalishi bo‘yicha Qiziriq tumani Iqtisodiyot va moliya bo‘limiga tashrif buyurdilar.

Tashrif davomida "Davlat xaridlari to‘g‘risida"gi O‘zbekiston Respublikasining Qonuni (2021-yil 22-apreldagi O‘RQ–684-son) ijrosini o‘rganish yuzasidan tayyorlangan savolnoma asosida o‘rganish olib borildi.

O‘rganish jarayonida davlat xaridlarini tashkil etish va amalga oshirishning amaldagi qonunchilik talablariga muvofiqligi, xaridlarning ochiqligi va shaffofligini ta’minlash, byudjet mablag‘laridan samarali va maqsadli foydalanish, shuningdek, elektron davlat xaridlari tizimidan foydalanish holati atroflicha tahlil qilindi.

Shuningdek, biriktirilgan tashkilot bilan hamkorlikni yanada mustahkamlash, mavjud muammolarni bartaraf etish, qonunchilikni takomillashtirishga oid takliflarni shakllantirish hamda Senat Kengashining sayyor majlisida belgilangan vazifalar ijrosini samarali tashkil etish yuzasidan mas’ul xodimlar bilan o‘zaro fikr almashildi.

Shu kabi tuman Kengashining navbatdagi sessiyasi kun tartibiga kiritilgan Tuman hokimligi huzurida tashkil etilgan “Infratuzilma va ijtimoiy barqarorlik” jamg‘armasi mablag‘larini yo‘naltirish haqidagi masala yuzasidan ham o'rganishlar olib borildi.

O‘rganish yakunida tegishli tavsiya va takliflar berildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram