Xalq deputatlari Qiziriq tumani Kengashi huzuridagi Ekspert guruhi yig‘ilishi bo‘lib o‘tdi

Xalq deputatlari Qiziriq tumani Kengashining 2025-yil 7-apreldagi VII-8-54-8-113-K/25-son qarori asosida tashkil etilgan tuman Kengashi huzuridagi Ekspert guruhining navbatdagi yig‘ilishi bo‘lib o‘tdi.

Yig‘ilishda xalq deputatlari tuman Kengashining navbatdagi sessiyasi kun tartibiga kiritilgan masalalar bo‘yicha mas’ul tashkilotlar tomonidan taqdim etilgan hisobotlar, axborotlar hamda qaror loyihalari ekspertlar ishtirokida atroflicha muhokama qilindi.

Muhokamalar davomida hujjatlarning amaldagi qonunchilik talablariga muvofiqligi, keltirilgan ma’lumotlarning asoslanganligi, ijro mexanizmlarining aniqligi hamda qabul qilinayotgan qarorlarning hududni ijtimoiy-iqtisodiy rivojlantirishdagi amaliy ahamiyati yuzasidan ekspertlar tomonidan taklif va tavsiyalar bildirildi.

Shuningdek, sessiya kun tartibiga kiritilgan masalalarni yanada takomillashtirish, qaror loyihalarining sifatini oshirish hamda ularning amaliy ijrosini ta’minlashga qaratilgan tavsiyalar ishlab chiqildi.

Yig‘ilish yakunida ekspert guruhi tomonidan bildirilgan takliflarni inobatga olgan holda hujjatlarni belgilangan tartibda xalq deputatlari Qiziriq tumani Kengashining navbatdagi sessiyasi muhokamasiga kiritish bo‘yicha tegishli tavsiyalar berildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram