📌 4-“Xalqlar do‘stligi” saylov okrugi deputati G‘.Uzoqov ishtirokida okrug hududidagi mahallalar faollari, ko‘cha boshliqlari hamda yoshlar ishtirokida joriy yilning 6 oylik yakunlari bo‘yicha hisobot uchrashuvi o‘tkazildi.

Uchrashuvda deputat tomonidan hisobot davrida amalga oshirilgan ishlar sarmisoli hamda hududni ijtimoiy-iqtisodiy rivojlantirish borasida ko‘rilgan choralar ochiqlandi:

✍️ Murojaatlar nazoratda: O‘tgan 6 oy davomida saylovchilardan kelib tushgan murojaatning aksariyati joyida hal etildi. Muddat talab qiladigan muammolar yuzasidan mutasaddi tashkilotlarga deputatlik so‘rovi yuborilib, ijrosi ta’minlandi.

🛣️ Infratuzilma va obodonlashtirish: Okrug hududidagi ichki yo‘llarni ta’mirlash, ichimlik suvi va elektr ta’minotini yaxshilash borasida olib borilgan ishlar tahlil qilindi.

💼 Bandlik va ijtimoiy ko‘mak: “Ayollar daftari” va “Yoshlar daftari” tizimi doirasida aholini ehtiyojmand qatlamini qo‘llab-quvvatlash hamda yoshlar bandligini ta’minlash choralari ko‘rildi.

☀️ “Dolzarb 90 kun”: Yozgi mavsumda yoshlarning bo‘sh vaqtini mazmunli tashkil etish, ularni ommaviy sport va madaniy tadbirlarga jalb qilish bo‘yicha amalga oshirilayotgan ishlar alohida qayd etildi.

💬 Uchrashuv qizg‘in savol-javob va muloqot ruhida o‘tdi. Saylovchilar tomonidan bildirilgan yangi taklif va muammolar deputat tomonidan nazoratga olinib, chora-tadbirlar rejasiga kiritildi.

Bizning bosh maqsadimiz — saylovchilar ishonchini oqlash va har bir murojaat ortida turgan inson taqdiriga daxldorlik tuyg‘usi bilan yashashdir.