Qoziguzar mahallasida mahalla infratuzilmasi va dolzarb masalalar o‘rganildi

🗂 O‘zbekiston Respublikasi Prezidentining 2023-yil 21-dekabrdagi PF–209-son "Mahalla institutining jamiyatdagi rolini tubdan oshirish va uning aholi muammolarini hal etishda birinchi bo‘g‘in sifatida ishlashini ta’minlashga qaratilgan chora-tadbirlar to‘g‘risida"gi Farmoni hamda xalq deputatlari Uchtepa tumani Kengashi deputatlarining 24 talik tavsiyalari ijrosi yuzasidan Qoziguzar mahallasida o‘rganish ishlari olib borildi.

💼 Mazkur o‘rganishda xalq deputatlari Uchtepa tumani Kengashi kotibiyati mudiri Anvar Usmanov hamda kotibiyat bosh mutaxassisi Umidbek Abilov ishtirok etdi.

💬 O‘rganish davomida mahalla raisi Muxtabar Xasanova bilan suhbat o‘tkazilib, mahalladagi ichki ko‘cha yo‘llari holati, ko‘chalarni tungi yoritish, avtomobil yo‘llaridagi tirbandliklar hamda yo‘l-transport hodisalari ko‘p sodir bo‘layotgan hududlarda YTHlarning oldini olishga qaratilgan chora-tadbirlar muhokama qilindi.

📝 Suhbat davomida mahallada 22 ta ko‘cha, 506 ta xonadon mavjudligi hamda 4 194 nafar fuqaro istiqomat qilishi qayd etildi. Shuningdek, hududda o‘z yechimini kutayotgan masalalar yuzasidan fikr almashilib, ularni bosqichma-bosqich bartaraf etish bo‘yicha tegishli taklif va tavsiyalar ishlab chiqildi.