📋 Xalq deputatlari Shovot tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasida Shovot tumani sog‘liqni saqlash bo‘limi boshlig‘ining 2025–2026-yillarda bolalar saratoniga qarshi kurashish bo‘yicha amalga oshirilgan ishlar yuzasidan hisoboti ko‘rib chiqildi.
👨‍⚕️ Hisobotda tumanda bolalarga tibbiy xizmat ko‘rsatish, onkologik va onkogematologik kasalliklarni erta aniqlash, skrining tadbirlarini tashkil etish hamda davolash sifatini oshirish borasida amalga oshirilgan ishlar yuzasidan batafsil ma’lumot berildi.
🔬 Shuningdek, skrining tekshiruvlari natijalari, aniqlangan bemor bolalarni ixtisoslashtirilgan tibbiyot muassasalariga yo‘naltirish, tibbiyot xodimlarining malakasini oshirish hamda profilaktika ishlarini kuchaytirish masalalari muhokama qilindi.
✅ Doimiy komissiya tomonidan:
🩺 tibbiy ko‘riklarni belgilangan reja asosida davom ettirish;
🔎 skrining tadbirlarini sifatli tashkil etish;
💊 bemor bolalarni o‘z vaqtida davolash muassasalariga yo‘naltirish;
📚 tibbiyot xodimlarining malakasini muntazam oshirib borish;
📢 aholi o‘rtasida profilaktik targ‘ibot ishlarini kuchaytirish bo‘yicha tegishli tavsiyalar berildi.
🤝 Yosh avlod salomatligini asrash, kasalliklarni erta aniqlash va sifatli tibbiy xizmat ko‘rsatishni ta’minlash borasidagi ishlar doimiy nazoratda bo‘ladi.