O‘zbekiston Respublikasi Prezidenti Shavkat Mirziyoyevning AQShning yirik xalqaro investitsiya kompaniyasi BlackRock direktorlar kengashi a’zosi va katta boshqaruvchi direktori Adebayo Ogunlesi bilan uchrashuvi mamlakatimizda investitsiya muhitini yanada takomillashtirish, xalqaro moliyaviy institutlar bilan hamkorlikni kengaytirish hamda strategik loyihalarni amalga oshirish yo‘lidagi muhim qadam bo‘ldi.
🌏Xalq deputatlari Jondor tumani Kengashi deputati sifatida mazkur uchrashuv natijalari yurtimiz hududlarida ham investitsiya faolligini oshirish, zamonaviy infratuzilmani rivojlantirish, yangi ish o‘rinlari yaratish va aholi farovonligini yuksaltirishga xizmat qilishiga ishonaman.
🌏Bugungi kunda mamlakatimizda investitsiyalarni jalb qilish orqali iqtisodiyotning raqobatbardoshligi oshirilmoqda, xususiy sektor qo‘llab-quvvatlanmoqda va hududlarda yangi ishlab chiqarish quvvatlari yaratilmoqda. Xalqaro nufuzli kompaniyalar bilan hamkorlikning mustahkamlanishi bu jarayonlarni yangi bosqichga olib chiqadi.
🌏Biz, mahalliy Kengash deputatlari ham Prezidentimiz tomonidan belgilangan vazifalarning hududlarda samarali ijrosini ta’minlash, investitsiya loyihalarini qo‘llab-quvvatlash va aholi manfaatlarini himoya qilish yo‘lidagi faoliyatimizni izchil davom ettiramiz.