#kunlik_ish_reja_ijrosi
#24_ta_masala
#deputat_faoliyati
#162_qonun

Deputat tomonidan “Oilaviy tadbirkorlik to‘g‘risida”gi Qonun ijrosi joyiga chiqqan holda o‘rganildi

Xalq deputatlari Bandixon tumani Kengashiga 1-"Bandixon" saylov okrugidan saylangan deputat H.Abdimo‘minov tomonidan deputatlarga biriktirilgan qonunlar taqsimoti asosida O‘zbekiston Respublikasining "Oilaviy tadbirkorlik to‘g‘risida"gi Qonuni ijrosini o‘rganish maqsadida amaliy monitoring ishlari olib borildi.

Shu munosabat bilan deputat o‘z saylov okrugi hududidagi "Bandixon" mahallasida faoliyat yuritayotgan "SURXON MEBEL" oilaviy korxonasiga tashrif buyurdi. Tashrif davomida qonun ijrosini baholash yuzasidan ishlab chiqilgan savolnomalar asosida korxona faoliyati atroflicha o‘rganildi.

O‘rganish jarayonida oilaviy korxonaning ishlab chiqarish faoliyati, mebel mahsulotlarini tayyorlash jarayoni, mehnatni tashkil etish, xodimlar uchun yaratilgan shart-sharoitlar hamda oilaviy tadbirkorlikni rivojlantirishga qaratilgan davlat qo‘llab-quvvatlash mexanizmlaridan foydalanish holati tahlil qilindi.

Shuningdek, korxona rahbari bilan o‘tkazilgan muloqotda amaldagi qonun hujjatlarining ijrosi, tadbirkorlik faoliyatini kengaytirish, ishlab chiqarish hajmini oshirish, yangi ish o‘rinlarini yaratish hamda faoliyat davomida uchrayotgan muammolar va ularni bartaraf etish yuzasidan fikr almashildi.

Deputat tomonidan tadbirkorlar tomonidan bildirilgan taklif va murojaatlar tinglanib, ularni tegishli mutasaddi tashkilotlar bilan hamkorlikda ko‘rib chiqish hamda amaliy yechim topish bo‘yicha zarur choralar belgilab olindi.

Joylarda qonunlar ijrosini tizimli ravishda o‘rganish, tadbirkorlik subyektlari bilan bevosita muloqot qilish va mavjud muammolarni o‘z vaqtida aniqlash deputatlik faoliyatining muhim yo‘nalishlaridan biri bo‘lib, bu boradagi ishlar izchil davom ettirilmoqda.