🌿 OBODONLASHTIRISH TADBIRLARI DEPUTATLIK NAZORATIDA

✨O‘zbekiston Respublikasi Prezidentining PQ–5-sonli qarori ijrosini ta’minlash hamda hududlarda obodonlashtirish va ekologik muhitni yanada yaxshilash maqsadida Xalq deputatlari Farg‘ona tuman Kengashi raisi, 17-Chimyon saylov okrugi deputati B.Ahmadjonov hamda kotibiyat bosh mutaxassisi A.Eminjonov tomonidan saylov okrugi hududida amalga oshirilayotgan obodonlashtirish ishlari o‘rganildi.

🔖 O‘rganish davomida hududdagi zovur va ariqlarni loyqadan tozalash, suv oqimini erkin ta’minlash hamda sanitariya holatini yaxshilashga qaratilgan ishlar ko‘zdan kechirildi. Amalga oshirilayotgan tadbirlarning sifati, belgilangan muddatlarda bajarilishi va ularning samaradorligi yuzasidan mas’ullar bilan muhokamalar o‘tkazildi.
➕ Shuningdek, mavjud kamchiliklarni bartaraf etish, tozalash ishlarini jadallashtirish hamda hududlarni doimiy ravishda ozoda saqlash bo‘yicha mas’ullarga tegishli ko‘rsatmalar va amaliy tavsiyalar berildi.
💡 Ta’kidlanganidek, zovur va ariqlarni o‘z vaqtida tozalash suvning erkin oqimini ta’minlash, suv toshqinlari va botqoqlanishning oldini olish, sanitariya-ekologik holatni yaxshilash hamda aholi uchun yanada qulay va obod yashash muhitini yaratishda muhim ahamiyat kasb etadi.
🛡 Hududlarni obodonlashtirish va ekologik muhitni asrash borasidagi bunday tadbirlar deputatlik nazoratida davom ettiriladi.