Hududda amalga oshirilayotgan investitsiya loyihalarini o‘rganish davomida Xalq deputatlari Taxiatosh tumani Kengashi kotibiyati mudiri, Oʻzbekiston Ekologik partiyasidan saylangan deputat Matniyazov Akbar Qadirovich navbatdagi investitsiya loyihasini ko‘zdan kechirdi.
🏭 Taxiatosh tumani hokimining investitsiya va tashqi savdo masalalari bo‘yicha o‘rinbosari T.Muzrabov hamrohligida “Nukus Ximiya Impeks” xususiy korxonasi tomonidan o‘z mablag‘lari hisobidan tashkil etilayotgan kaliy mineral o‘g‘iti ishlab chiqarish loyihasi o‘rganildi.

⚙️ O‘rganish davomida ishlab chiqarish obyektida asosiy tayyorgarlik ishlari yakunlangani, texnologik jarayonlarni ishga tushirish bo‘yicha so‘nggi tayyorgarlik ishlari olib borilayotgani hamda korxona yaqin kunlarda faoliyatini boshlashi ma’lum qilindi.