Xalq depututlari Mirzo Ulug‘bek tumani Kengashi raisi Yuldasheva Muyassar Tairovna tomonidan hududdagi
5-sonli oilaviy poliklinikasida o‘rganish tadbirlari o‘tkazildi. Unda aholiga birlamchi tibbiy-sanitariya yordami hamda kunduzgi statsionarda tibbiy xizmatlar ko‘rsatilishi holati atroflicha ko‘rib chiqildi.

Oilaviy poliklinika bosh shifokori oilaviy poliklinika faoliyati, mavjud asbob-anjom va jihozlar bilan ta’minlanganlik holati, shifokorlarning samarali faoliyatini yuritish hamda aholi uchun barcha sharoitlar yaratish yuzasidan amalga oshirilayotgan ishlar bilan tanishtirdi.

Shuningdek, ijtimoiy sug‘urta asosidagi retsept bo‘yicha olinadigan dori-darmonlar uchun faqat bir dona dorixona biriktirilganligi va bu yetarli bo‘lmaganligi sababli qo‘shimcha dorixonalar biriktirish lozimligini ma’lum qildi.

Bo‘lib o‘tgan o‘rganishlar holati muhokama qilinib, murojaatlar bilan ishlash tizimini yanada yaxshilash va tibbiyot xodimlarining malakasini oshirib borish yuzasidan qo‘shimcha tavsiyalar berilib, dorixona bo‘yicha belgilangan tartibda deputatlik so‘rovi yuborilishi belgilab olindi.