Xalq deputatlari Chilonzor tumani Kengashining 2026-yil 7-iyuldagi III-22-60-14-204-K/26-son qarori hamda ushbu qarorga 1-ilova bilan tasdiqlangan ro‘yxatga muvofiq, “Infratuzilma va ijtimoiy barqarorlik” jamg‘armasi mablag‘lari hisobidan ijtimoiy himoyaga muhtoj fuqaroning uy-joyini ta’mirlash xarajatlari uchun mablag‘ ajratildi.

Mazkur ro‘yxatga asosan, 21-Xirmontepa saylov okrugi deputati Mavlonov Azam Qarshiyevich tomonidan ko‘tarilgan masala yuzasidan Xirmontepa MFY hududida 19-mavze, 40-uy, 7-xonadon manzilida yashovchi, 1962-yil 5-oktabrda tug‘ilgan Arshinova Reneta Vyacheslavovnaning uy-joyini ta’mirlash ishlari uchun 30 900 000 (o‘ttiz million to‘qqiz yuz ming) so‘m mablag‘ ajratildi.

Mazkur mablag‘ fuqaroning yashash sharoitlarini yaxshilash, uy-joyini ta’mirlash hamda ijtimoiy qo‘llab-quvvatlashni kuchaytirish maqsadida ajratildi.

Xalq deputatlari Chilonzor tumani Kengashi deputatlari tomonidan fuqarolarning murojaatlarini o‘rganish, ularning ijtimoiy muammolarini hal etish hamda manzilli ijtimoiy yordam ko‘rsatish borasidagi ishlar izchil davom ettirilmoqda.