“Damariq” kanali hududida olib borilayotgan qurilish va obodonlashtirish ishlari deputatlik nazoratida

📍 Xalq deputatlari Olmazor tumani Kengashi raisi Shaxnoza Umarxodjayeva tomonidan “Olimpiya” mahallasi Chimboy mavzesidan oqib o‘tuvchi “Damariq” kanali hududida amalga oshirilayotgan qurilish hamda obodonlashtirish ishlari yuzasidan deputatlik nazorati olib borildi. Tadbirda kotibiyat bosh mutaxassisi B.Xoliqjonova va tuman hokimligi ma'sul xodimi A.Daminov ishtirok etdi.

🔖 O‘rganish davomida hududda olib borilayotgan bunyodkorlik ishlari, kanal atrofini obodonlashtirish, ko‘kalamzorlashtirish, piyodalar uchun qulay infratuzilma yaratish hamda hududning sanitariya va ekologik holatini yaxshilashga qaratilgan ishlar ko‘zdan kechirildi.

📌 Shuningdek, aniqlangan ayrim kamchiliklarni bartaraf etish, qurilish ishlarini belgilangan muddatlarda va sifatli yakunlash yuzasidan mas’ul tashkilotlar vakillariga tegishli tavsiya hamda topshiriqlar berildi. Mazkur ishlarning borishi deputatlik nazorati doirasida muntazam kuzatib borilishi ta’kidlandi