Xalq deputatlari Nurobod tumani Kengashi deputati N.Norqarayev tomonidan tumandagi 20-Ag‘ron saylov okrugida joylashgan 17-sonli maktabgacha ta'lim tashkilotida o‘rganish ishlari olib borildi.

✏️O‘rganish davomida muassasada tarbiyalanayotgan bolalar uchun yaratilgan shart-sharoitlar, ta'lim-tarbiya jarayonining tashkil etilishi, sanitariya-gigiyena talablariga rioya etilishi, oziq-ovqat mahsulotlarini saqlash va tayyorlash jarayonlari, oshxona hamda tibbiyot xonalarining holati, ichimlik suvi ta'minoti, hududning sanitariya tozaligi va obodonlashtirilishi atroflicha ko‘zdan kechirildi.

✍️Shuningdek, o‘rganishlar O‘zbekiston Respublikasining 2015-yil 26-avgustdagi "Aholining sanitariya-epidemiologik osoyishtaligi to‘g‘risida"gi O‘RQ-393-son Qonuni talablari asosida amalga oshirildi. Qonun ijrosi doirasida muassasada sanitariya-epidemiologik osoyishtalikni ta'minlash, yuqumli kasalliklarning oldini olish, xodimlar va tarbiyalanuvchilar salomatligini muhofaza qilish, sanitariya qoidalari hamda gigiyena me'yorlariga rioya etilishi holati batafsil o‘rganildi.

➡️O‘rganish jarayonida mas'ul xodimlar bilan amaldagi qonunchilik talablariga qat'iy rioya etish, bolalar salomatligini ishonchli muhofaza qilish, sanitariya-gigiyena sharoitlarini yanada yaxshilash hamda aniqlangan ayrim kamchiliklarni qisqa muddatlarda bartaraf etish yuzasidan tegishli tavsiya va ko‘rsatmalar berildi.

➡️Xalq deputatlari Nurobod tumani Kengashi deputatlari tomonidan saylov okruglarida joylashgan ijtimoiy soha muassasalarida qonunlar ijrosini ta'minlash, aholiga ko‘rsatilayotgan xizmatlar sifatini oshirish hamda fuqarolarning manfaatlarini himoya qilishga qaratilgan o‘rganish ishlari izchil davom ettirilmoqda.