Ushbu uchrashuvda tuman Kengashi kotibiyati faoliyati, deputatlar tomonidan amalga oshirilayotgan ishlar, saylovchilar bilan ishlash tizimi hamda deputatlik faoliyati samaradorligini yanada oshirish masalalari atroflicha muhokama qilindi.

Shuningdek, kotibiyat ishini samarali tashkil etish, deputatlarning nazorat faoliyatini kuchaytirish, doimiy komissiyalar faoliyatini takomillashtirish, murojaatlar bilan ishlash sifatini oshirish hamda ijro intizomini mustahkamlash yuzasidan qator amaliy taklif va tavsiyalar bildirildi.

Uchrashuv davomida deputatlik faoliyatini yanada takomillashtirish, aholining muammolarini o‘z vaqtida o‘rganish va ularning yechimi bo‘yicha tizimli ishlarni yo‘lga qo‘yish, mahalliy Kengashlar faoliyatining ochiqligi va samaradorligini oshirish masalalariga alohida e'tibor qaratildi.

Bildirilgan taklif va tavsiyalar asosida kelgusida kotibiyat hamda deputatlar faoliyati samaradorligini yanada yuksaltirish, saylovchilar manfaatlarini himoya qilish va hududlarni kompleks rivojlantirish borasidagi ishlarni izchil davom ettirish belgilab olindi.