Tashrif davomida mehmonlarga markazda milliy hunarmandchilik an'analarini asrab-avaylash, ustoz-shogird maktabini rivojlantirish, yoshlarni kasb-hunarga o‘rgatish hamda hunarmandlarni har tomonlama qo‘llab-quvvatlash borasida amalga oshirilayotgan ishlar haqida batafsil ma'lumot berildi.

Shuningdek, markazda yaratilgan zamonaviy shart-sharoitlar, xalq amaliy san'ati namunalarini ishlab chiqarish, hunarmandchilik mahsulotlarini ichki va xalqaro bozorlarga olib chiqish hamda turizm salohiyatini oshirishga qaratilgan tashabbuslar namoyish etildi.

Uchrashuv davomida milliy hunarmandchilikni rivojlantirish, xalqaro hamkorlikni kengaytirish, tajriba almashish va Samarqand hunarmandchilik maktabining boy tarixiy merosini dunyo miqyosida keng targ‘ib etish masalalari yuzasidan fikr almashildi.

Yakunda mehmonlar markaz faoliyatiga yuqori baho berib, kelgusida o‘zaro hamkorlikni yanada rivojlantirish, qo‘shma loyihalarni amalga oshirish va milliy hunarmandchilik mahsulotlarini xalqaro maydonda keng targ‘ib etish bo‘yicha takliflarini bildirdilar.