Mahalla yettiligi faoliyati o‘rganildi

Xalq deputatlari Qiziriq tumani Kengashi kotibiyati bosh mutaxassisi A.Mamarajabov tuman Kengashiga 11-Sariq saylov okrugidan saylangan deputat Ch.Alimovning saylov okrugi hududidagi "Do‘stlik" mahallasiga tashrif buyurib, mahalla yettiligi faoliyati bilan yaqindan tanishdi.

Tashrif davomida mahalla yettiligi tomonidan aholi muammolarini aniqlash va bartaraf etish, fuqarolar bandligini ta’minlash, ijtimoiy himoyaga muhtoj oilalarni qo‘llab-quvvatlash, obodonlashtirish ishlari hamda davlat dasturlari ijrosi yuzasidan amalga oshirilayotgan ishlar o‘rganildi.

Shuningdek, mahallada mavjud muammolar, ularni hal etish mexanizmlari hamda aholi farovonligini yanada oshirishga qaratilgan istiqboldagi rejalar yuzasidan mahalla raisi va mahalla yettiligi a’zolari bilan o‘zaro fikr almashildi. O‘rganish yakunida hamkorlikni yanada kuchaytirish va mavjud masalalarni tizimli hal etish bo‘yicha tegishli tavsiya va takliflar bildirildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram