Uchrashuv davomida deputat Qirguli mahallasi Ko‘ngil ko‘chasida yashovchi aholi bilan bevosita muloqot qilib, ularning murojaat va takliflarini tingladi. Ochiq va samimiy ruhda kechgan uchrashuvda fuqarolar tomonidan ko‘chani asfaltlashtirish masalasi ko‘tarilib, ushbu muammoni bartaraf etishda amaliy yordam so‘raldi.

Deputat A.Ermatov fuqarolar tomonidan bildirilgan murojaatni atroflicha o‘rganib, mazkur masalani shaxsiy deputatlik nazoratiga olishini ma’lum qildi.

Shuningdek, murojaat belgilangan tartibda deputatning "Ko‘cha aylanish daftari"ga qayd etildi.
Ta’kidlanganidek, ko‘tarilgan muammo mutasaddi tashkilotlar vakillari bilan birgalikda joyiga chiqqan holda batafsil o‘rganiladi.

O‘rganish natijalari asosida mavjud holat tahlil qilinib, ko‘chani asfaltlashtirish masalasini hududni ijtimoiy-iqtisodiy rivojlantirish dasturlariga kiritish yuzasidan asoslantirilgan takliflar ishlab chiqiladi hamda tegishli idoralarga taqdim etiladi.