Oʻzbekiston Respublikasining "Mahalliy davlat hokimiyati toʻgʻrisida"gi Qonuni 19¹-moddasiga muvofiq, xalq deputatlari Kengashlari budjet mablagʻlarining maqsadli sarflanishi va ulardan samarali foydalanilishi ustidan deputatlik nazoratini amalga oshiradi.

Xalq deputatlari Uzun tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi tomonidan tumandagi "Oqostona" mahallasida “Ochiq budjet” axborot portali orqali g‘olib bo‘lgan loyihalarning bugungi holati, qurilish-ta’mirlash ishlarining sifati va mablag‘larning o‘z vaqtida o‘zlashtirilishi joyiga chiqqan holda o‘rganildi.

Aholi tomonidan ovoz berilib, g‘olib deb topilgan ichki yo‘llar, ichimlik suvi tarmoqlari, maktab va bog‘cha binolarini ta’mirlash ishlarining borishi;

Ajratilgan budjet mablag‘larining maqsadli va samarali sarflanishi;
Pudratchi tashkilotlar tomonidan ishlar hajmining o‘z vaqtida va sifatli bajarilayotgani.

Shuningdek, aniqlangan kamchiliklarni bartaraf etish, loyihalarni yakuniga yetkazishni tezlashtirish hamda jamoatchilik nazoratini yanada kuchaytirish yuzasidan mas’ul tashkilotlar va soha rahbarlariga qat’iy topshiriq va tavsiyalar berildi.

“Ochiq budjet” loyihalari to‘g‘ridan-to‘g‘ri aholining eng og‘riqli muammolarini hal etishga qaratilgani bois, mazkur yo‘nalishdagi ishlarning borishi Xalq deputatlari Uzun tumani Kengashining doimiy va qat’iy nazoratida bo‘ladi.