Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq O‘zbekiston “Adolat” sotsial-demokratik partiyasidan saylangan deputat M.Ashurov tumanning “Tolebi” mahallasida joylashgan oilaviy poliklinika faoliyati bilan tanishdi.

🔺O‘rganish davomida poliklinikada aholiga birlamchi tibbiy-sanitariya yordamini ko‘rsatish sifati, shifokorlar va o‘rta tibbiyot xodimlarining faoliyati, bemorlarni qabul qilish tartibi, dori-darmon ta’minoti, tibbiy jihozlar bilan ta’minlanganlik hamda sanitariya-gigiyena holati ko‘zdan kechirildi.

🔺Shuningdek, onalar va bolalar salomatligini muhofaza qilish, surunkali kasalliklarga chalingan bemorlarni muntazam nazorat qilish, profilaktik tibbiy ko‘riklarni tashkil etish, aholi o‘rtasida sog‘lom turmush tarzini targ‘ib qilish va kasalliklarning oldini olishga qaratilgan ishlar tahlil qilindi.

🔺O‘rganish jarayonida aniqlangan ayrim kamchiliklarni bartaraf etish, tibbiy xizmat sifatini yanada oshirish, aholiga qulay va samarali xizmat ko‘rsatishni ta’minlash bo‘yicha mas’ullarga tegishli tavsiyalar berildi.